Gure Amaren Etxea
Arespakotxaga-Mendibil Jauregia (Elorrio) eta Zegamako Posta Etxea. Saioak balio historiko handiko bi eraikin ezagutzeko aukera eskaintzen du. Elorrion, Arespakoetxaga-Mendibil jauregia bisitatzen da Pujana familiaren eskutik, herriko jauregirik zaharrenetako baten historia eta arkitektura ezagutzeko, estilo barrokoan eraikitako lehenetarikoa izanik. Ondoren, Zegaman, XVII. mendearen amaierako Posta Etxe zaharra ezagutzen da, garai batean herriak komunikazio eta merkataritza gune garrantzitsua izan zuela gogorarazten duen eraikina.