Izurtza
Herri Txiki, Infernu Handi. Pagadik Mari Jose Gorrotxategi ezagutuko du, eta honek Izurtzaren inguruko datu batzuk emango dizkio eta paseo bat ematera gonbidatuko du. Mirenek Kontxi Azkonizaga ikusiko du auto batetik ateratzen eta galdetuko dio izurtzarra den. Baserri artean, Pagadik Gentza Gallastegi topatuko du zezen bat paseatzen; idi izateko prestatzen ari da. Mirenek 90 urteko Mertxe Totorikaguena ezagutuko du eta hark aitzurraren erabilerak azalduko dizkio. Geroago, Pagadik Udane Ramírez aurkituko du, herriko tabernaria, eta urdaiazpikoa nola moztu irakatsiko dio. Azkenik, Mirenek Mikel Garate ikusiko du urrutitik harriak lantzen.