Igantzi
Herri Txiki, Infernu Handi. Pagadik San Juanxarreko iturria ezagutuko du Pili Iturbiderekin batera, eta Ameriketan sukaldari aritu zen Jose Luis Antxordoki bisitatuko du. Berrizaunen, Eneko Telletxeak hanka jokoa erakutsiko dio eta, Igantzira itzulita, Rober Txoperenak banderaren dantza. Zuhaitzek Angelitarekin egingo du gosaria eta haren alabak kudeatzen duen herriko denda bakarra bisitatuko du. Mari Carmen-en tabernan Anuntxi ezagutuko du, Xorroxin irratiko kronista, eta Plaxen ere bai, dieta egiten ari den eta Revillaren jarraitzaile sutsua den herritarra. Azkenik, Bidal Etxarterekin elkartuko da, basozain eta bonsai bildumazalearekin.