Ibaeta
Herri Txiki, Infernu Handi. Donostiako mugetan, Mirenek 84 urteko María Jesús Lekunberri ezagutuko du, Realaren jarraitzaile sutsua. Manolo Artola eta Ángel Itsaso ere bisitatuko ditu Zuatzu baserrian, non sagardoa egiten zuten orain dela gutxira arte. Oier Olarra gaztea, “Pottoko” ezizenez ezaguna, bere patrolekin eta musika ozenarekin agertuko da. Pagadik Iratxe Baldarekin egingo du topo Ibaetako urmaeletan, eta gero Asier Gonzalez de San Pedrorekin zinta gaineko bizikleta lasterketan parte hartuko du. Halaber, Juan Kruz Balda, “Ibaetako artzaina”, ardiekin ikusiko du bere Mercedes autoan. Azkenik, Santos Irizar harrapatuko du Muno baserrian kiwano izeneko fruta jaten.
